Հնարքներ

Ուղեղի փորձարկում: Աջ ոտք և աջ ձեռք

1.Նստած տեղը բարձրացրեք աջ ոտքը և օդի մեջ պտտեք ժամացույցի սլաքի ուղղությամբ:

2.Ոտքը պտտելու հետ միաժամանակ պարզեք աջ ձեռքը և փորձեք օդի մեջ նկարել 6 թվանշանը:

Համարյա բոլորի մոտ ոտքը ինքնստինքյան սկսում է պտտվել ժամացույցի հակառակ ուղղությամբ:

 Ինչպես ուղարկել մեծ ծավալի ֆայլեր էլեկտրոնային փոստի միջոցով

                                     

Յուրաքանչյուր էլեկտրոնային փոստի սերվեր ունի ուղարկվող ֆայլերի ծավալների որոշակի սահմանափակումներ: Օրինակ եթե օգտագործում եք Gmail, ապա չեք կարող ուղարկել 25 մեգաբայթից մեծ ծավալով ֆայլ: Մեծ ծավալով ֆայլեր ուղարկելու դեպքում կարող եք օգտվել WizDrop կայքից: Այն թույլ է տալիս էլեկտրոնային փոստի միջոցով ուղարկել մինչև 100 մեգաբայթ ծավալի ֆայլ:

Այցելեք այս կայքը:

1.Գրեք Ձեր էլ. փոստի հասցեն

2.Ընտրեք ուղարկվող ֆայլը: Գրեք նամակի վերնագիրը ու հաղորդագրությունը (պարտադիր տվյալներ չեն)

3.Գրեք ստացողի էլեկտրոնային փոստի հասցեն: Լրացրեք պաշտպանիչ կոդը

4.  Սեղմեք Drop` նամակը ուղարկելու համար:

Ինչպես ստեղծել ձեր կյանքի պատմության մասին ֆիլմ՝ օգտագործելով Facebook Timeline-ը

Ովքեր արդեն տեսել են Facebook Timeline-ի գովազդը, ուրեմն արդեն հասկացան, թե ինչի մասին է խոսքը: Այդ տեսահոլովակում ցուցադրվում է Ֆեյսբուքի մի օգտատերի կյանքի առանցքային իրադարձությունները: Այժմ նմանատիպ տեսահոլովակ կարող եք պատրաստել նաև դուք: Այդ նպատակով պատրաստվել է մի կայք, որը պատրաստում է տեսահոլովակ՝ օգտագործելով Facebook Timeline-ը: Անհրաժեշտ է այցելել այս կայքը, սեղմել Make Your Movieև հաստատել ծրագրի իրավասություններ: Այնուհետև սպասեք 1-10 րոպե (կախված Ֆեյսբուքում ձեր ակտիվությունից) և վայելեք Ձեր կյանքի մասին պատմող ֆիլմը: Տեսահոլովակը ստեղծելուց հետո կարող եք փոխել երաժշտությունը և փոխել առանցքային կադրերը: Հնարավորություն կա նաև տարածել տեսահոլովակը և ցուցադրել ընկերներին: Դե ինչ, խորհուրդ եմ տալիս փորձել և տեղեկացնել ընկերներին :)

Ստեղծել ֆիլմը

Օդնոկլասնիկում նորից հնարավոր է փակել օգտատերերի պրոֆիլները

Ռուսական Օդնոկլասնիկի կայքում վերջերս անհետացել էր պրոֆիլները փակելու կոճակը: Հիշեցնեմ, որ այդ ֆունկցիան օդնոկլասնիկի կայքում վճարովի է, իսկ այլ ցանցերում՝ անվճար: Եվ ահա Օդնոկլասնիկի ադմինիստրացիան նորից վերադարձրել է այդ ֆունկցիան: Պրոֆիլները միայն ընկերների համար հասանելի դարձնելու համար անհրաժեշտ է մտնել այստեղ և սեղմել Настройки публичности: Այդտեղ առաջարկվելու է 3 տարբերակ.


1.Հասանելի լինել բոլոր տեղերում (նաև որոնողական համակարգերում)
2.Հասանելի լինել միայն օդնոկլասնիկի կայքում
3.Հասանելի լինել միայն ընկերներին

Պրոֆիլը փակելու համար ընտրեք երրորդ տարբերակը և սեղմեք Изменить: Այնուհետև ընտրեք վճարման տարբերակը և կատարեք վճարումը: 

Ինչպես ջնջվել Mail.ru ցանցից

Նախորդ նյութերում արդեն տեսել ենք, թե ինչպես կարելի է ջնջվել Odnoklassniki, Facebook և Google+ սոցիալական կայքերից: Այժմ կտեսնենք, թե ինչպես է հնարավոր ջնջվել Mail.ru ցանցից:

1. Սեղմեք այստեղ

2. Գրեք ջնջվելու պատճառը և ընթացիկ գաղտնաբառը

3. Սեղմեք Удалить

Ինչպես օգտագործել մկնիկի ակը Chrome-ում

Մկնիկի մեջտեղի ակը նախատեսված է ոչ միայն պտտելու համար, այլ նաև սեղմելու: Եկեք տեսնենք, թե ինչեր կարելի է անել Google Chrome ինտերնետ դիտարկչում մկնիկի մեջտեղի ակի միջոցով:

1.Կայքի հղումները

Սեղմեք ցանկացած հղման վրա մկնիկի մեջտեղի ակով և այն կբացվի նոր պատուհանում: Եթե ցանկանում եք բացել նոր պատուհանում և տեսնել այդ էջը, ապա սեղմած պահեք shift-ը և այնուհետև սեղմեք հղման վրա մեջտեղի ակով:

2.Դիտարկչի կոճակները

Սեղմեք դիտարկչի ցանկացած կոճակի վրա (օր. refresh, back, forward) մկնիկի մեջտեղի ակով և այն կբացվի նոր պատուհանում: 

3.Փակել պատուհանները

Սեղմեք դիտարկչի ցանկացած պատուհանի վերնագրի վրա մկնիկի մեջտեղի ակով և այն կփակվի:

4.Մեծացնել/փոքրացնել էջը

Բացված էջի չափսերը փոխելու համար սեղմած պահեք Ctrl կոճակը և այնուհետև պտտեք մկնիկի մեջտեղի ակը դեպի վերև կամ ներքև:

5.Ավտոմատ սքրոլինգ

Ավտոմատ սքրոլինգի համար որևէ ազատ հատվածում (ոչ հղման վրա) սեղմեք և թողեք մկնիկի մեջտեղի ակը, այնուհետև մկնիկը տեղաշարժեք վերև կամ ներքև:

6.Հորիզոնական սքրոլինգ

Բացված կայքը հորիզոնական սքրոլինգի համար սեղմած պահեք shift կոճակը և պտտեք մկնիկի ակը: